ਤਾਜਾ ਖਬਰਾਂ
ਦਰੱਖਤ 'ਤੇ ਬੈਠੇ ਬਾਂਦਰ ਨੇ ਪੈਸਿਆਂ ਦੀ ਗੱਥੀ ਵਿੱਚੋਂ ਇੱਕ-ਇੱਕ ਕਰਕੇ ਨੋਟ ਹੇਠਾਂ ਸੁੱਟਣੇ ਸ਼ੁਰੂ ਕਰ ਦਿੱਤੇ। ਦੇਖਦੇ ਹੀ ਦੇਖਦੇ ਦਰੱਖਤ ਦੇ ਹੇਠਾਂ ਨੋਟ ਖਿੱਲਰ ਗਏ ਅਤੇ ਮੌਕੇ 'ਤੇ ਮੌਜੂਦ ਲੋਕਾਂ ਲਈ ਇਹ ਨਜ਼ਾਰਾ ਹੈਰਾਨੀਜਨਕ ਬਣ ਗਿਆ। ਆਪਣੀ ਮਿਹਨਤ ਨਾਲ ਕਮਾਏ ਪੈਸਿਆਂ ਨੂੰ ਇਸ ਤਰ੍ਹਾਂ ਖਿੱਲਰਦਾ ਦੇਖ ਕੇ ਨਕਦੀ ਦੇ ਮਾਲਕ ਦੀ ਚਿੰਤਾ ਵਧ ਗਈ।
ਘਟਨਾ ਦਾ ਪਤਾ ਲੱਗਦਿਆਂ ਹੀ DC ਦਫ਼ਤਰ ਦੇ ਕਰਮਚਾਰੀ ਅਤੇ ਹੋਰ ਲੋਕ ਮਦਦ ਲਈ ਪਹੁੰਚੇ। ਸਾਰਿਆਂ ਨੇ ਮਿਲ ਕੇ ਹੇਠਾਂ ਡਿੱਗੇ ਨੋਟ ਇਕੱਠੇ ਕਰਨੇ ਸ਼ੁਰੂ ਕਰ ਦਿੱਤੇ। ਕਾਫ਼ੀ ਕੋਸ਼ਿਸ਼ਾਂ ਤੋਂ ਬਾਅਦ ਜ਼ਿਆਦਾਤਰ ਨਕਦੀ ਵਾਪਸ ਮਿਲ ਗਈ, ਪਰ ਪੈਸਿਆਂ ਦੇ ਮਾਲਕ ਮੁਤਾਬਕ ਲਗਭਗ 1,500 ਰੁਪਏ ਘੱਟ ਪਾਏ ਗਏ। ਇਸ ਦੌਰਾਨ ਬਾਂਦਰ ਨੇ 500 ਰੁਪਏ ਦੇ ਕੁਝ ਨੋਟਾਂ ਨੂੰ ਪਾੜ ਕੇ ਵੀ ਨੁਕਸਾਨ ਪਹੁੰਚਾਇਆ।
ਇਸ ਘਟਨਾ ਨੇ ਸ਼ਿਮਲਾ ਵਿੱਚ ਬਾਂਦਰਾਂ ਵੱਲੋਂ ਲੋਕਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਨੂੰ ਮੁੜ ਚਰਚਾ ਵਿੱਚ ਲਿਆ ਦਿੱਤਾ ਹੈ। ਮਹੱਤਵਪੂਰਨ ਸਰਕਾਰੀ ਦਫ਼ਤਰ ਦੇ ਅੰਦਰ ਵਾਪਰੀ ਇਸ ਘਟਨਾ ਤੋਂ ਬਾਅਦ ਲੋਕਾਂ ਵਿੱਚ ਸਵਾਲ ਉੱਠ ਰਹੇ ਹਨ ਕਿ ਸ਼ਹਿਰ ਨੂੰ ਬਾਂਦਰਾਂ ਦੀਆਂ ਅਜਿਹੀਆਂ ਸ਼ਰਾਰਤਾਂ ਤੋਂ ਕਦੋਂ ਨਿਜਾਤ ਮਿਲੇਗੀ।
Get all latest content delivered to your email a few times a month.
